追求活得富足而非死時富貴

　　唔好追求死時富貴，應該享受活得富足，係大部分中國人應該學習嘅生活態度。享受閒暇、睡得安眠，唔好為明天而擔憂；工作時工作，每天過咗晚上十二時便不應再諗明天嘅工作，因為要瞓覺！二十多年前有唔少朋友笑我老曹唔使憂……其實只係生活態度。每年年初自己先訂一個目標，一旦目標已達，其餘時間便去享受閒暇。例如到沙灘、山頂漫步或同太太去食嘢，甚至買吓D奢侈品又點話吖。活得富有（或心中富貴）才最重要，何必追求死時富貴？睇報紙見到有D隱形富豪，雖然生前擁有過千萬元家財，但生活貧窮，咁又何必呢？過分奢侈唔應該，活得富有係應該學習嘅生活態度。例如三五知己聚首，開支靚紅酒享受人生，一樂也！人活着就係為咗享受，而非克勤克儉積聚財富到死時為止。上述人生觀亦係令中國人喺外國受排擠嘅最大理由。

節錄曹仁超2006-05-02投資者日記